Va Ukrainie pamierła 33-hadovaja žančyna, chvoraja na karanavirus. Ale nie ad karanavirusa
Va Ukrainie pa stanie na 20:00 17 sakavika aficyjna zarehistravanyja 14 vypadkaŭ zachvorvańnia Covid-19, dva ź ich śmiarotnyja, paviedamlaje Centr hramadskaha zdaroŭja.
Jość 14 stanoŭčych vynikaŭ na COVID-19: Čarnavickaja (10), Žytomirskaja (1), Kijeŭskaja (1) vobłaści i Kijeŭ (2)».
Tolki 17 sakavika vyjaŭleny 7 novych vypadkaŭ chvaroby.
Była taksama zafiksavana druhaja śmierć. U Čarnavickaj vobłaści zahinuła 33-hadovaja žančyna.
Adznačajecca, što jaje śmierć nastupiła ŭ vyniku «ciažkaj spadarožnaj nieŭrałahičnaj patałohii, nie źviazanaj z prajavami karanavirusnaj infiekcyi».