Minčuk paškodziŭ try mašyny, źniaŭ heta na videa i sam pryjšoŭ u milicyju
Student kaledža źniaŭ videa, jak nanosiŭ udary pa pryparkavanym aŭto, nočču vykłaŭ rolik u sacyjalnuju sietku, a ranicaj źjaviŭsia z pakajańniem, paviedamlaje HUUS Minharvykankama.
Da momantu prychodu maładoha čałavieka ŭ milicyju jaho asobu ŭžo vyśvietlili, tamu sustreča z supracoŭnikami dla 19-hadovaha chłopca była tolki pytańniem času.
Chłopiec raskazaŭ, što 16 sakavika išoŭ dadomu i staŭ bić pa aŭtamabilach, zdymajučy praces na kamieru telefona. Paźniej zahruziŭ videa ŭ internet. Svaje dziejańni žychar stalicy patłumačyŭ žadańniem stać papularnym.
Na miescy zdareńnia ekśpierty kanfiskavali ślady abutku ź dźviarej adnaho z aŭto i zafiksavali ŭvahnutaści ad udaraŭ. Suma škody vyśviatlajecca.