Arcybiskup Kandrusievič nazvaŭ mitrapalita Fiłareta «čałaviekam epochi»
Church.by
21 sakavika mitrapalit Minska-Mahiloŭski arcybiskup Tadevuš Kandrusievič uziaŭ udzieł u śviatkavańni 85-hodździa z dnia naradžeńnia Hanarovaha patryjaršaha ekzarcha ŭsioj Biełarusi mitrapalita Fiłareta, piša catholic.by.
Jon prysutničaŭ na śviatočnaj Liturhii ŭ chatnim chramie Biełaruskaha Ekzarchata i na pryjomie ŭ honar jubilara.
U vinšavalnym słovie arcybiskup Tadevuš Kandrusievič, pravioŭšy paralel ź siońniašniaj situacyjaj u śviecie, jaki cierpić ad pandemii, nahadaŭ, što Mitrapalit Fiłaret pryjšoŭ na Minskuju kafiedru bolš za 40 hadoŭ tamu, kali naš kraj duchoŭna spustašaŭ virus ateizmu
«Vy, uładyka Fiłaret, byli ŭ avanhardzie baraćby z hetym virusam. Vaša nastojlivaść, dypłamatyčnyja zdolnaści, umieńnie raspaznavać znaki času i chutka adkazvać na ich prynieśli svoj plon.
Vaša adkrytaść dla dyjałohu dapamahła taksama i Katalickamu Kaściołu ŭ jaho adradžeńni ŭ Biełarusi»,— padkreśliŭ kiraŭnik biełaruskaha katalickaha jepiskapatu. Arcybiskup Kandrusievič padziakavaŭ Mitrapalitu Fiłaretu za jaho ŭniosak u budavańnie mastoŭ pamiž roznymi kanfiesijami i pažadaŭ Božaha błahasłaŭleńnia na budučyniu.
U druhoj pałovie dnia Tadevuš Kandrusievič uziaŭ udzieł u jašče adnym mierapryjemstvie, pryśviečanym hetaj padziei — adkryćci vystavy ikon u Nacyjanalnym mastackim muziei.
Na cyrymonii ijerarch vystupiŭ z pramovaj, u jakoj nazvaŭ Mitrapalita Fiłareta «čałaviekam epochi, jaki ŭ ciemru ateizmu ŭnios śviatło Jevanhiella».
Arcybiskup Kandrusievič jašče raz padkreśliŭ jaho rolu jak budaŭničaha mastoŭ pamiž Carkvoj i hramadstvam, a taksma pamiž roznymi vieravyznańniami.