U Jerusalimie z-za karanavirusa začynili Chram Hroba Haspodniaha
Jerusalimski Chram Uvaskrasieńnia Chrystovaha (viadomy taksama jak Chram Hroba Haspodniaha) byŭ začynieny ŭ sieradu ŭviečary z-za pašyreńnia karanavirusa «da nastupnaha rasparadžeńnia», paviedamlajuć infarmahienctvy.
Urad Izraila ŭ sieradu ŭvioŭ žorstki karancin na siem dzion. Tak, izrailcianam zahadana nie adychodzić bolš čym na 100 m ad svajho miesca žycharstva, taksi zabaroniena pieravozić bolš za adnaho pasažyra, vyklučanyja schody i spartyŭnyja zaniatki. Jeździć na asabistym transparcie možna ŭ kolkaści nie bolš za dva čałaviek i tolki ŭ supiermarkiet za praduktami ci ŭ apteku, a taksama dla atrymańnia miedycynskaha absłuhoŭvańnia albo na dazvolenuju pracu.
Jejerusalimski Chram Uvaskrasieńnia Chrystova — hałoŭnaja śviatynia chryścijanskaha śvietu. Ličycca, što jon staić na tym samym miescy, dzie, zhodna sa Śviatym Pisańniem, byŭ ukryžavany i pachavany Isus Chrystos i dzie zatym jon uvaskros. Kožny hod u Vialikuju Subotu (sioleta vypadaje na 19 krasavika) napiaredadni pravasłaŭnaha Vialikadnia tam adbyvajecca cud sychodu Žyvatvornaha ahniu.
Kolkaść vyjaŭlenych vypadkaŭ infikavańnia karanavirusam u Izraili vyrasła ŭ sieradu da 2170. Pavodle Ministerstva achovy zdaroŭja, piać zachvarełych pamierli, stan 37 aceńvajecca jak ciažki, 58 čałaviek adužali.