ZŠA vydatkujuć $2 tryljony na stymulavańnie ekanomiki
Sienat ZŠA adnahałosna prahałasavaŭ za zakonaprajekt ab maštabnych mierach pa stymulavańni amierykanskaj ekanomiki dla źmiakčeńnia nastupstvaŭ pandemii karanavirusa, paviedamlajuć infarmahienctvy.
Ciapier zakonaprajekt pavinny razhladzieć Pałata pradstaŭnikoŭ i prezident ZŠA Donald Tramp. Apošni ŭžo vykazaŭ hatoŭnaść uchvalić novyja miery pa baraćbie z karanavirusam.
Pakiet mier koštam u $2 trłn utrymlivaje pramyja hrašovyja vypłaty amierykancam, pavieličeńnie dapamohi biespracoŭnym, bujnyja inviestycyi ŭ sistemu achovy zdaroŭja i pradastaŭleńnie pazyk kampanijam.
Tak, $250 młrd budzie vydzielena na pramyja vypłaty hramadzianam, $350 młrd — na kredyty dla małoha biznesu, $250 młrd — na vypłaty pa biespracoŭi i $500 młrd — na kredyty pradpryjemstvam.
Lidar demakrataŭ u Sienacie Čak Šumier zajaviŭ, što havorka idzie pra «najbujniejšy pakiet dapamohi ŭ amierykanskaj historyi». Jon nazvaŭ hetuju inicyjatyvu «płanam Maršała» dla balnic i miedycynskich patreb.