Premjer Čechii raskrytykavaŭ prezidenta ZŠA
Mirek Tapałaniek zajaviŭ, što płany administracyi ZŠA pa vyratavańni ekanomiki — heta «daroha ŭ piekła».
Ciapier Čechija źjaŭlajecca staršynioj Jeŭraźviazu.
Vystupajučy ŭ Jeŭraparłamiencie, Tapałaniek skazaŭ, što płan Baraka Abamy, skiravany na stabilizacyju amierykanskaj ekanomiki, «padarvie stabilnaść suśvietnaha finansavaha rynku».
Lidery bolšaści jeŭrapiejskich dziaržaŭ vystupajuć za bolš žorstki finansavy kantrol, u toj čas jak administracyja Abamy inviestuje značnyja biudžetnyja srodki z metaj stymulavać ekanamičnaje raźvićcio.
Zajava Tapałanieka stała samym žorstkim kamientarom nakont prahramy Baraka Abamy z boku Jeŭrasajuza, u jaki ŭvachodziać 27 dziaržaŭ.
Na nastupnym tydni Abama naviedaje Prahu ŭ ramkach svajho pieršaha vizitu ŭ Jeŭropu ŭ jakaści prezidenta ZŠA.
Učora parłamient Čechii prahałasavaŭ za votum niedavieru ŭradu Tapałanieka.