Finskaja armija błakavała ŭjezdy i vyjezdy z Chielsinki
Fota: Heikki Saukkomaa / Lehtikuva
Palicyja i vajskoŭcy vystavili błok-pasty na ŭsich troch dziasiatkach ujezdaŭ i vyjezdaŭ z rajona Chielsinki.
Ułady Finlandyi pryniali takija miery, kab strymać raspaŭsiud karanavirusa pa krainie. Dahetul bolšaść sa 1163 vyjaŭlenych vypadkaŭ adnosiłasia da stalicy.
Poŭnaja izalacyja stalicy raspačałasia ŭnačy ź piatnicy na subotu. U apošni viečar svabodnaha ŭjezdu i vyjezdu na darohach utvarylisia zatory: usie, chto chacieŭ pakinuć stalicu ci viarnucca ŭ jaje, śpiašalisia paśpieć, paviedamlaje yle.fi.
Izalacyja stalicy maje doŭžycca try tydni. Rašeńnie ŭrada adnahałosna zaćvierdziŭ parłamient krainy. Uradavaja kaalicyja i apazicyja dla hetaha abjadnalisia.
Nadalej u rajon Chielsinki zmoža zajazdžać tolki hruzavy transpart, a taksama ludzi pa pracoŭnaj nieabchodnaści.
Akramia taho, jašče tydzień tamu Finlandyja abmiežavała pamiežny ruch, zakryła škoły dla bolšaści vučniaŭ i zaklikała ludziej minimizavać pierasoŭvańni.