Łukašenka: Ty ž nie zaŭvažyła, što tut virusy latajuć? I ja nie zaŭvažyŭ
Chakiejnaja kamanda Alaksandra Łukašenki tradycyjna stała finalistam amatarskaha čempijanatu. Jon sam pryniaŭ udzieł u matčy na chakiejnaj placoŭcy «Lebiadziny park», pabudavanaj kampanijaj «Tapas».
Paśla matča Łukašenka daŭ karotki kamientar ANT. Heta novaja zadača dziaržaŭnych ŚMI — pakazvać kiraŭnika krainy z čałaviečym tvaram.
Čytajcie: Na ANT zapuścili prahramu «Dźvie z pałaca» pra Łukašenku
— Ci možna skazać, što vajna vajnoj, a chakiej pa raskładzie? — pačała z padrychtavanaha žarta karespandentka ANT Hanna Pyž.
— Nie. Treba skazać, što lepiej pamierci stojačy, čym žyć na kaleniach! — zarahataŭ Łukašenka.
— A ci jość niešta, što ŭvohule moža vas spynić ad vychadu na lod?
— Mianie? A navošta? Možna, ale navošta, ja nie razumieju. Tut ža niama nijakich virusaŭ. Ty ž nie zaŭvažyła, što jany tut latajuć?
— Nie.
— I ja nie baču. Heta chaładzilnik, samaje lepšaje zdaroŭje. Antyvirusnyja leki, samyja sapraŭdnyja.