U Varšavie šyli bieł-čyrvona-bieły ściah
dasłana čytyčom
25 Sakavika ŭ Varšavie kala pomnika Kapierniku na Krakoŭskim pradmieści adbyłasia akcyja, pryśviečanaja Dniu Voli – śviatu niezaležnaści Biełarusi. Zarhanizavali jaje aktyvisty inicyjatyvy «Wolna Białoruś». Akcyja stałasia adnoj z cykłu «Pačuj Biełaruś» («Usłysz Białoruś»), jaki prachodziŭ u Varšavie bolš za tydzień.
Udzielniki akcyi, jakich było kala 60 asob, šyli vialiki bieła‑čyrvona‑bieły ściah, raspaviadali minakam ab Dni Voli, zaklikali da salidarnaści z prychilnikami demakratyi i svabody ŭ Biełarusi, davali intervju šmatlikim polskim SMI, jakija źviarnuli svaju ŭvahu na chepininh, pryśviečany hadavinie abviaščeńnia BNR.Šmat ludziej prajaŭlała cikaŭnaść i dałučałasia da akcyi. Naprykancy chepininhu udzielniki vypuścili ŭ pavietra šmat bieła‑čyrvona‑biełych balonikaŭ z vokličam «Žyvie Biełaruś!».
Ja razmaŭlaju z pradstaŭnicaj inicyjatyvy «Wolna Białoruś», Ahnieškaj:
— Heta ŭžo apošniaja ź sieryi akcyjaŭ «Pačuj Biełaruś»?
— Nie, u piatnicu budzie jašče adna padzieja. Budzie varšaŭskaja Krytyčnaja masa, ravarysty prajeduć ź biełaruskimi ściahami.
— A čym akcyi takoha charaktaru adroźnivajucca sioleta ad byłych u minułyja hady?
— Sioleta my zrabili cykł akcyj, heta było bolš za tydzień, byli try kancerty, dva ŭ kłubach i adzin hałoŭny na Teatralnaj płoščy, byŭ pakaz filmaŭ, dehustacyja biełaruskaj kuchni. Na kožnuju imprezu prychodziła šmat ludziej, pa 400—500 asob było na kancertach ŭ kłubach. A hałoŭny kancert na Teatralnaj płoščy, u hetym hodzie, adroźnivaŭsia tym, što byŭ daŭžejšy i vielmi raznastajny. Dla Varšavy heta było sapraŭdy muzyčnaje zdareńnie, usio dobra ŭdałosia i na žal, tolki na nadvorje my nie mieli ŭpłyvu. Varta zaŭvažyć, što kancert — heta prajekt, jaki idzie ŭžo čaćvierty hod.