Cana rasijskaj nafty ŭpała da novaha rekordu ŭ $10,5
Cana hatunku Urals u Paŭnočna-Zachodniaj Jeŭropie na ŭmovach pastaŭki cif (Cost, Insurance and Freight, u vynikovy košt ŭklučany vydatki na fracht da porta pryznačeńnia i strachavańnie hruzu, jakija biare na siabie pradaviec) u Raterdam 1 krasavika patańnieła da $10,54 za baral, ustalavaŭšy novy antyrekord za apošnija dni, paviedamiła ahienctva Argus. Heta minimalny ŭzrovień z sakavika 1999 hoda.
Dyskont da cany paŭnočnamorskaha etałona nafty Brent zastajecca bieź źmien — $4,75 za baral. Heta maksimalnaja źnižka z červienia 2008 hoda.
Košt partyj Urals ŭ Mižziemnamorje taksama ŭpaŭ da minimalnaha značeńnia ź viasny 1999 hoda — $12,79 za baral (na ŭmovach pastaŭki cif ŭ italjanskuju Aŭhustu). Źnižka na Brent zastałasia na ŭzroŭni $2,5 za baral.