«Biełfarmacyja» choča sfarmiravać zapas procivirusnych preparataŭ apošniaha pakaleńnia
«Biełfarmacyja» ŭ paskoranym paradku zakuplaje preparaty, jakija mohuć spatrebicca dla lačeńnia infikavanych karanavirusam. Adpaviedny list byŭ razasłany pastaŭščykam farmaceŭtyčnych preparataŭ.
Supraćvirusny preparat asieltamivir paŭsiudna pradajecca ŭ aptekach pad tavarnymi nazvami «Tamiflu» i «Fłustop». Astatnija preparaty, imavierna, pastupiać u miedustanovy, abychodziačy praces rehistracyi — zakanadaŭstva dazvalaje tak rabić padčas epidemii.
Što ź siabie ŭjaŭlajuć astatnija preparaty?
Łapinavir + rytanavir — kambinavanyja supraćvirusnyja preparaty, jakija vykarystoŭvajucca pry lačeńni VIČ-infikavanych.
Hidraksichłarachin — imunadepresant, vykarystoŭvajecca pry lačeńni malaryi (i jaho adčuvalnych štamaŭ), a taksama vaŭčanki i astmy. Nakont jaho efiektyŭnaści dla COVID-19 viaducca sprečki, ale mnohija krainy, u tym liku Kitaj i ZŠA, ekśpierymientujuć i ź im, asabliva ŭ ciažkich vypadkach.
Maksifłaksacyn — antybijotyk, vykarystoŭvajecca dla lačeńnia pnieŭmanii i branchitaŭ.
Favipiravir — najnoŭšy supraćvirusny preparat, raspracavany ŭ Japonii.