U ZŠA pačali pravodzić testy na antycieły da karanavirusa
Amierykanski centr pa kantroli i prafiłaktycy zachvorvańniaŭ (CDC) pačaŭ pravodzić testy na antycieły, kab vyznačyć, kolki čałaviek zarazilisia karanavirusam, uklučna z tymi, chto nie mieŭ simptomaŭ. Pra heta piša Politico sa spasyłkaj na pradstaŭnika CDC.
Havorka idzie pra analizy kryvi, kab vyznačyć, ci pieranios čałaviek COVID-19, vyzdaravieŭ ad chvaroby i atrymaŭ imunitet da paŭtornaha zaražeńnia.
Testy buduć rabicca siarod hramadzian troch hrup: siarod žycharoŭ rehijonaŭ-ačahoŭ epidemii karanavirusa, u jakich nie dyjahnastavali zachvorvańnie; siarod žycharoŭ rehijonaŭ, dzie karanavirus raspaŭsiudžvaŭsia nie tak mocna; a taksama siarod niekatorych hrup nasielnictva, u tym liku miedpiersanału.