U Ispanii kolkaść pamierłych ad karanavirusa narešcie źnižajecca treci dzień zapar
RRF / EUROPA PRESS
U Ispanii, što mocna paciarpieła ad pandemii COVID-19, užo treci dzień źnižajecca kolkaść achviar karanavirusa — za minułyja sutki tam pamierli 674 pacyjenty z karanavirusam, što na 135 mienš, čym u piatnicu, piša Bi-bi-si.
Ahulnaja kolkaść pamierłych ad COVID-19 u Ispanii — 12 418 čałaviek, a ahulnaja kolkaść paćvierdžanych vypadkaŭ zaražeńnia — 130 759.
Premjer-ministr Pedra Sančes napiaredadni zajaviŭ, što kraina «blizkaja da prachodžańnia piku zachvorvańnia» karanavirusam.
Sančes abjaviŭ ab praciahu karancinu da 25 krasavika, zajaviŭšy, što hetyja miery ratujuć žyćcia, i dadatkovyja dva tydni karancinu palehčać pracu słužby achovy zdaroŭja.