81-hadovy minčuk pamior ad karanavirusa paśla azdaraŭleńnia ŭ Baraŭlanach. Zachvareła i jaho 84-hadovaja žonka
81-hadovy minčuk Viktar Burak pamior 2 krasavika u infiekcyjnaj balnicy. U paśviedčańni ab śmierci paznačany kod B97.2 — karanavirus.
Ciapier z karanavirusam lažyć u 10-j balnicy jaho 84-hadovaja žonka Valancina. Onliner.by parazmaŭlaŭ ź ich unukam Iharam.
Mužčyna raskazaŭ, što dzied adčuŭ siabie drenna paśla viartańnia z płanavaha azdaraŭleńnia ŭ vajskovym špitali ŭ Baraŭlanach. Praź niekalki dzion jaho zabrali ź pnieŭmanijaj u 10-ju balnicu, adtul pieraviali ŭ infiekcyjnuju.
«Paśla ŭskryćcia ŭ morhu svajakam nie dali pravieści cyrymoniju raźvitańnia. Zabrali vopratku, advieźli ŭ krematoryj i spalili — prach paźniej addaduć jaho dačce», — skazaŭ unuk karespandentu Onliner.by.