Zołatavalutnyja reziervy źnizilisia za sakavik na 1 miljard dalaraŭ
Mižnarodnyja reziervovyja aktyvy Biełarusi na 1 krasavika skłali 7 786,5 młn. dalaraŭ ZŠA (u ekvivalencie). Za sakavik ZVR źnizilisia na 1 młrd 18,4 młn. dalaraŭ (11,6%) paśla źnižeńnia ŭ lutym na 438,2 młn. dalaraŭ (na 4,7%), paviedamlaje pres-słužba Nacbanka.
Źnižeńnie abumoŭlena prodažam Nacbankam zamiežnaj valuty na biržy, a taksama płanavym pahašeńniem uradam i Nacbankam źniešnich i ŭnutranych abaviazacielstvaŭ u zamiežnaj valucie na ahulnuju sumu 226,5 młn. dalaraŭ.
Padtrymańniu ŭzroŭniu zołatavalutnych reziervaŭ u sakaviku spryjali pastupleńnie zamiežnaj valuty ŭ biudžet, a taksama pastupleńnie srodkaŭ ad prodažu ablihacyj Ministerstva finansaŭ, naminiravanych u zamiežnaj valucie.
Zhodna z Asnoŭnymi napramkami hrašova-kredytnaj palityki na 2020 hod abjom mižnarodnych reziervovych aktyvaŭ na 1 studzienia 2021 hoda pavinien skłaści nie mienš za 7,3 młrd. dalaraŭ.
U śniežni 2019 hoda ZVR składali 9,4 młrd dalaraŭ.