Ministr Karanik nazvaŭ adno z hałoŭnych adroźnieńniaŭ karanavirusa ad hrypu
Pry hrypie zvyčajna byvaje nasmark, pry karanavirusie nasmark sustrakajecca redka, skazaŭ ministr achovy zdaroŭja Biełarusi padčas anłajn-bryfinhu 8 krasavika.
Zatoje «bolš jarka vyražana strata niuchu», — dadaŭ Uładzimir Karanik.
Što da inkubacyjnaha pieryjadu, to ŭ karanavirusa jon bolš praciahły.
«U hrypu inkubacyjny pieryjad — 2—3 dni, karcina simptomaŭ jarčejšaja: rezkaje pavyšeńnie tempieratury, žar, dryžyki. U karanavirusa [inkubacyjny pieryjad] — 6—7 dzion, da taho ž u jaho pastupovaja kliničnaja karcina (dyskamfort, kašal, parušeńnie niuchu, adsutnaść nasmarku, a tolki potym intaksikacyja)», — dadaŭ hałoŭny doktar 6-j kliničnaj balnicy Minska Ihar Jurkievič.