«Załaty apostraf-2008» — Niaklajevu, Aksak, Sysu, Ryžkovu
Valancna Aksak
Uładzimier Niaklajeŭ
Vital Ryžkoŭ
Siaržuk Sys
Litaraturny časopis «Dziejasłoŭ» uručyŭ premii «Załaty apostraf» za 2008 hod.
Laŭretkaj premii za najlepšuju publikacyju žanočaj paezii zrabiłasia Valancina Aksak (nizka «Bataničny sad u Vizby»),
mužčynskaj — paet Vital Ryžkoŭ (za publikacyju «Nielha schavacca za słovy…» ).
najlepšymi prazaičnymi publikacyjami hodu pavodle «Załatoha Apostrafa» zrabilisia apovieść «Viartańnie viery» i apaviadańnie «Załataja Arda», abiedźvie — aŭtarstva Uładzimiera Niaklajeva.
Admysłovy pryz za «najlepšuju publikacyju pavodle internet-hałasavańnia» (ci, prosta kažučy, pryz čytackich simpatyjaŭ) dastaŭ paet Siaržuk Sys za nizku vieršaŭ «Viecier z Bałtyki».
Tradycyjna łaŭreaty «Załatoha Apostrafa» vyznačajucca pa troch naminacyjach: «Paezija», Proza» i «Debiut», ale sioleta ŭsio skarektavała-pierakartavała internet-hałasavańnie. Prahałasavać za ŭlubionaha aŭtara možna było pakinuŭšy kamientar u Siecivie. Hetak šerahovyja čytačy vybirali piaciorku pretendentaŭ u kožnaj naminacyi. A ŭžo z toj piaciorki najlepšaha vybirała redakcyja «Dziejasłova».
Takim paradkam, pavodle vynikaŭ hałasavańnia i kamientaroŭ u Siecivie redakcyja časopisu vyrašyli premiju za najlepšy debiut nie davać zusim, a paetyčnyju premiju padzialić: na žanočyju i mužčynskuju. I ŭ dadatak prysudzić premiju čytackich simpatyjaŭ.
«Ščyra kažučy, napačatku my nie nadta daviarali Siecivu ŭ spravie vybaru łaŭreataŭ, — kaža Barys Piatrovič, hałoŭny redaktar «Dziasłova». — Aścierahalisia, što starejšyja aŭtary buduć zabytyja. Dumali, karystalniki Sieciva — maładyja ludzi i adpaviedna buduć abirać maładziejšych. Ale ŭ niekatorych naminacyjach internet-supolnaść pryjemna ździviła nas svajoj biesstaronaściu i abjektyŭnaściu».