«AjPauer» atrymaŭ stanoŭčaje zaklučeńnie dziaržaŭnaj ekśpiertyzy pa akumulatarnym zavodzie
Kampanija «AjPauer» 9 krasavika atrymała stanoŭčaje zaklučeńnie dziaržaŭnaj ekałahičnaj ekśpiertyzy pa budaŭničym prajekcie akumulatarnaha zavoda. Zaklučeńnie zaćvierdžana zahadam «Respublikanskaha centra dziaržaŭnaj ekałahičnaj ekśpiertyzy i pavyšeńnia kvalifikacyi kirujučych rabotnikaŭ i śpiecyjalistaŭ» Ministerstva pryrodnych resursaŭ i achovy navakolnaha asiarodździa Biełarusi ad 8 krasavika, paviedamlaje Bresckaja hazieta.
«Pry praviadzieńni dziaržaŭnaj ekałahičnaj ekśpiertyzy ŭstanoŭlena adpaviednaść płanavanych prajektnych i inšych rašeńniaŭ, jakija źmiaščajucca ŭ budaŭničym prajekcie, patrabavańniam zakanadaŭstva ab achovie navakolnaha asiarodździa i racyjanalnym vykarystanni pryrodnych resursaŭ», — havorycca ŭ paviedamleńni kampanii.
Nastupny etap realizacyi prajekta — praviadzieńnie indyvidualnych vyprabavańniaŭ i kompleksnaje aprabavańnie zmantavanaha abstalavańnia, vyprabavańnie sistem vodazabieśpiačeńnia, kanalizacyi, aciapleńnia i vientylacyi i inšych sistem.
Hramadskaja ekałahičnaja ekśpiertyza prajekta, jakuju daručyŭ pravieści Alaksandr Łukašenka, tak i nie adbyłasia.