SAAZ: Pik karanavirusa jašče nie projdzieny
Fota Nadziei Bužan
Situacyja z raspaŭsiudam karanavirusa ŭ niekatorych krainach pačała palapšacca, adnak svajho piku pandemija ŭ śviecie nie dasiahnuła. Jak paviedamlaje ahienctva Reuters, pra heta zajaviła aficyjny pradstaŭnik Suśvietnaj arhanizacyi achovy zdaroŭja Marharet Charys na bryfinhu ŭ Ženievie, piša RBK.
Pavodle jaje słoŭ, 90% usich novych vypadkaŭ zaražeńnia prypadaje na krainy Jeŭropy i ZŠA. Pry hetym u Jeŭropie situacyja nieadnastajnaja. Kali ŭ niekatorych dziaržavach nazirajecca nievialikaje źnižeńnie kolkaści chvorych, to ŭ Vialikabrytanii i Turcyi jano, naadvarot, praciahvaje pavialičvacca.
Kamientujučy situacyju ŭ Kitai, pradstaŭnik SAAZ adznačyła, što 90% novych vypadkaŭ u hetaj krainie źjaŭlajucca zavoznymi.
Taksama pradstaŭnik SAAZ vykazała sumnieŭ u tym, što vakcynu ad karanavirusa ŭdasca zrabić u najbližejšyja 12 miesiacaŭ.