U BNTU pačali vyrablać detali dla aparataŭ štučnaj vientylacyi lohkich
U Biełaruskim nacyjanalnym techničnym univiersitecie pačali vyrablać detali dla aparataŭ ŠVŁ.
BNTU i Navukova-technałahičny park BNTU «Palitechnik» nieadkładna adhuknulisia na zapyt Ministerstva achovy zdaroŭja i Minskaha navukova-praktyčnaha centra (MNPC) chirurhii, transpłantałohii i hiematałohii, u jakim havorycca pra patreby ŭ vyrabie kamplektujučych dla aparataŭ ŠVŁ i srodkaŭ abarony z metaj akazańnia padtrymki biełaruskim miedykam.
«Palitechnik» u supracoŭnictvie z adździełam aniestezijałohii, reanimacyi i intensiŭnaj terapii MNPC chirurhii, transpłantałohii i hiematałohii prystupiŭ da vyrabu ŭzoraŭ sistemy dla padačy i ŭvilhatnieńnia kisłarodu (patrebnaść u ich — bolš za 2 500 kamplektaŭ), uklučajučy nastupnyja detali: pierachadnik ad kropkavych krynic padačy kisłarodu, viečka dla jomistaści ŭvilhatnialnika kisłarodu z opcyjaj razhalinavańnia na 2 katetary i razhalinavalnik padačy ŭvilhotnienaha kisłarodu.
Akramia hetaha, z vykarystańniem 3D-druku vyrableny ŭzory kłapana Vientury dla aparataŭ vientylacyi lohkich dvuch typaŭ, pravodziacca ich vyprabavańni. Ekstrannaja patreba ŭ kłapanach — bolš za 1000 kamplektaŭ z roznaj prapusknoj zdolnaściu. U najbližejšy čas pačniecca ich vypusk.