Kolkaść zaražanych karanavirusam u śviecie pieravysiła 2 miljony čałaviek
U Biełarusi — 3281 vypadak, fota Nadziei Bužan
Pavodle źviestak na 9.00 ranicy, ahulnaja kolkaść vypadkaŭ składaje 2 000 231 čałaviek, paviedamlaje Suśvietnaja mietryka.
Kolkaść zahinułych pacyjentaŭ — 126 757, vylečylisia — 484 640 čałaviek. Za ŭčorašni dzień zachvareli 74 tysiačy čałaviek.
Lidziruje pa kolkaści vypadkaŭ ZŠA — 614 tysiač vypadkaŭ (26 tysiač pamierli), pryčym u štacie Ńju-Jork 203 tysiačy vypadkaŭ (10,8 tysiač pamierli), u Ńju-Džersi — 68,8 tysiač (2800 pamierli).
U Ispanii 174 tysiačy vypadkaŭ (18,2 tysiačy pamierłych), Italii — 162,5 tysiačy (21 tysiača pamierłych), Francyi — 143 tysiačy, Hiermanii — 132 tysiačy.
Praŭdapadobna, što kolkaść chvorych na karanavirus u śviecie značna bolšaja. Naprykład, u krainach Afryki i Paŭdnievaj Amieryki kolkaść testaŭ simvaličnaja.