Karanavirus: Biełaruś raźličvaje na 140 miljonaŭ jeŭra pazyki ad Suśvietnaha i Jeŭrapiejskaha inviestycyjnaha bankaŭ
Biełaruś raźličvaje na pazyki ad Suśvietnaha banka (90 młn jeŭra) i Jeŭrapiejskaha inviestycyjnaha banka (50 młn jeŭra) dla baraćby z COVID-19, paviedamlaje BiełTA.
Z Suśvietnym bankam dasiahnuta damoŭlenaść ab vydzialeńni pazyki na sumu 90 młn jeŭra. Srodki buduć nakiravany na zakupku nieabchodnych arhanizacyjam achovy zdaroŭja miedycynskich preparataŭ, tavaraŭ i abstalavańnia, u tym liku reśpirataraŭ, masak, achoŭnych kaściumaŭ i akularaŭ, test-sistem, aparataŭ UHD, ŠVŁ, kisłarodnych kancentrataraŭ, reanimabilaŭ i inšaje.
Ź JEIB praviedzieny kansultacyi ab vydzialeńni pazyki na patreby achovy zdaroŭja ŭ sumie 50 młn jeŭra. Banku nakiravali zapyt ab finansavańni ź pieralikam tavaraŭ, mierkavanych da zakupki.
Prapracoŭvajecca taksama mahčymaść pryciahnieńnia makrafinansavaj dapamohi ad ES, adpaviednaja zajaŭka nakiravana ŭ Jeŭrapiejskuju kamisiju.