Siaredzič: Za artykuł pra akumulatarny zavod «Narodnaj voli» nichto nie zapłaciŭ i kapiejki
Tak adreahavaŭ zasnavalnik, vydaviec i hałoŭny redaktar haziety «Narodnaja vola» Iosif Siaredzič na vykazvańnie bresckaha błohiera Alaksandra Kabanava ŭ suviazi sa źjaŭleńniem artykuła «Złaja ślepata».
«Praŭda nie pradajecca i nie kuplajecca. A kali niechta ličyć, što ŭ materyjale ŭtrymlivajecca nieabjektyŭnaja infarmacyja, vykładvajcie na stoł fakty. Ź lubym apanientam možam sustrecca navat u sudzie.
A dzialić nam z praciŭnikami akumulatarnaha zavoda niama čaho. Hałoŭnaje — kab ad zavoda była karyść, a nie škoda», — skazaŭ Iosif Siaredzič.