Kolkaść karanavirusa pavialičyłasia ŭ Pastavach i Ušačach, stała viadomaja novaja infarmacyja pa Šumilinskim rajonie
Asabliva niespryjalnaja epidemijałahičnaja situacyja nazirajecca ŭ Dokšyckim, Aršanskim, Šumilinskim, Biešankovickim, Loźnienskim i Viciebskim rajonach, paviedamlajuć Narodnyja naviny Viciebska
Da dvuch dziasiatkaŭ nabližajecca kolkaść inficyravanych ŭ Pastaŭskim rajonie, pa źviestkach miascovaj haziety 18 krasavika tut było ŭžo 18 čałaviek, jakija zarazilisia karanavirusam.
Ab dvuch novych pacyjentach z COVID-19 va Ušackim rajonie piša hazieta «Patryjot». Takim čynam, ahulnaja kolkaść usich vypadkaŭ dasiahnuła tut 10. Pavodle vydańnia abodva pacyjenty ŭžo byli nahladam miedykaŭ: adzin lačyŭsia ŭ rajbalnicy ad pnieŭmanii, druhi — kantakt pieršaha ŭzroŭniu pa raniej vyjaŭlenych COVID-19.
Taksama stała viadoma, što ŭ Šumilinskim rajonie ŭžo naličvajecca 30 vypadkaŭ karanavirusnaj infiekcyi, pra heta paviedamiŭ TUT.BY sa spasyłkaj na namieśnika staršyni pa sacyjalnych pytańniach Šumilinskaha rajvykankama Irynu Šałachovu. Praktyčna pałova ź ich pakutuje na pnieŭmaniju.