Na Vialikdzień Łukašenka z synam adpraviŭsia ŭ manastyr u Smalavicki rajon
Alaksandr Łukašenka ŭ śviata Vialikadnia zapaliŭ śviečku ŭ Śviata-Błahavieščanskim Ladzienskim chramie ŭ Smalavickim rajonie, pieradaje BIEŁTA.
Śviata-Błahavieščanski Ladzienski chram znachodzicca na terytoryi mužčynskaha manastyra ŭ honar Błahavieščańnia Praśviatoj Baharodzicy ŭ vioscy Małyja Lady. Kiraŭnik dziaržavy pryjechaŭ u carkvu razam sa svaim małodšym synam Mikałajem. Koratka pahutaryŭšy z prychadžanami, jon zapaliŭ śviečku i pavinšavaŭ viernikaŭ sa śviatam Vialikadnia.
Kiraŭnik krainy kazaŭ na hetym tydni: «Jašče raz padkreślivaju: my darohu da chrama nikomu nie zakryvajem. Heta majo ćviordaje patrabavańnie. My nikomu ničoha nie zabaraniajem. My heta daviali da kiraŭnictva ŭsich cerkvaŭ, kanfiesij, u tym liku i pravasłaŭnaj carkvy. Chto choča, toj pamolicca, schodzić u chram. Ja budu ŭ carkvie. Heta maja tradycyja. Ja redka byvaju, ale na Kalady i Vialikdzień ja zaŭsiody ŭ carkvie. Zvyčajna ŭ rajony vyjazdžaju, byvaju ŭ hetych maleńkich cerkaŭkach», — kazaŭ Alaksandr Łukašenka.
A voś Pucin upieršyniu za doŭhi čas nie chadziŭ na słužbu, a pavinšavaŭ rasijan z doma.