Pjany žychar Łojeva skraŭ mašynu, prajechaŭ 20 mietraŭ i pieradumaŭ
Milicyjaniery zatrymali žychara Łojeva, jaki moža mieć dačynieńnie da kradziažu mašyny.
U noč na 19 krasavika nieviadomy skraŭ kala doma mašynu «Opiel Astra». Na miesca zdareńnia vybyła śledča-apieratyŭnaja hrupa.
Pravaachoŭniki chutka znajšli mašynu. Jana stajała za 20 mietraŭ ad staroha miesca parkoŭki. Dźviery byli adčynienyja. Unutry sałona nikoha nie było, a na piarednim siadzieńni lažaŭ mabilnik. Jak akazałasia, jon naležyć čałavieku, jaki ŭziaŭ čužy aŭtamabil.
Praź niekatory čas znajšli i jaho. 39-hadovy pjany biespracoŭny žychar Łojeva vyrašyŭ dabracca dadomu na čužoj mašynie. Ubačyŭšy aŭtamabil kala doma, jon padumaŭ, što heta aŭtamabil znajomaha, i vyrašyŭ jaho skarystać. Mašyna była adčyniena, a ŭ zamku zapalvańnia tyrčali klučy.
Prajechaŭšy mietraŭ dvaccać, mužčyna spyniŭsia i ahledzieŭ sałon. Na hety raz jon zdaŭsia jamu nieznajomym. Kinuŭšy mašynu, žychar Łojeva dabraŭsia dadomu pieššu. Tam jaho i zatrymali.