Cana rasijskaj nafty stała admoŭnaj
Raźlikovaja cana nafty marki Urals, jakoj handlujuć rasijskija kampanii, skłała -$2 za baral, što na 112,7% mienš apošniaj ceny 19 krasavika — $ 15,75, piša rbc.ru.
U paniadziełak, 20 krasavika, cana najbližejšaha fjučersa na naftu marki WTI dasiahała -$40 za baral. Paśla taho jak cana amierykanskaj nafty ŭpieršyniu ŭ historyi stała admoŭnaj, ceny na astatnija hatunki taksama źnizilisia.
Pradaŭcy byli vymušanyja pradavać naftu ŭ stratu, raźličvajučy na adnaŭleńnie cenaŭ u najbližejšyja miesiacy. Nastupny kantrakt WTI z pastaŭkaj u červieni začyniŭsia kala ŭzroŭniu $21 za baral. Heta śviedčyć pra pazityŭny pohlad udzielnikaŭ rynku, jakija čakajuć adnaŭleńnia syravinnych cenaŭ praź niekalki miesiacaŭ.
Ździełka APIEK+ pačnie dziejničać tolki ŭ mai, tamu ŭdzielniki tarhoŭ nie ŭličvajuć hety faktar u canie najbližejšych naftavych kantraktaŭ. U pačatku krasavika 23 najbujniejšyja vytvorcy syraviny damovilisia dobraachvotna abmiežavać vytvorčaść syraviny na 9,7 młn baralaŭ u sutki na maj i červień z metaj stabilizacyi naftavaha rynku.
Biełaruś kuplaje rasijskuju naftu Urals pa $4 za baral.