Na subotniku Łukašenka budzie sadzić les u rehijonie, paciarpiełym ad Čarnobyla
Kiraŭnik dziaržavy płanuje pravieści subotnik u rehijonie, paciarpiełym ad avaryi na Čarnobylskaj AES, paviedamlaje BiełTA
U hadavinu trahiedyi jon zaŭsiody naviedvaje hetyja rajony, a ciapier zaadno zastaniecca i na subotnik.
Razam z tym Alaksandr Łukašenka adznačyŭ, što kankretny nasieleny punkt jašče nie vybrany. «Ja ŭ hety čas niekalki dzion budu žyć na poŭdni, i tam my što-niebudź znojdziem. Jaki-niebudź les pasadzim», — dadaŭ jon.
Sabranyja ŭ časie respublikanskaha subotnika hrošy buduć nakiravany na ramont i madernizacyju dziciačych łahieraŭ, dobraŭparadkavańnie vajennych pomnikaŭ, raskazaŭ Alaksandr Łukašenka. Jon rastłumačyŭ, što prapanoŭvałasia hetyja srodki ŭkłaści ŭ sistemu achovy zdaroŭja, ale hety napramak budzie padtrymany za košt mižnarodnaj dapamohi.