U Buda-Kašalovie pamierła 45-hadovaja fielčarka chutkaj dapamohi, jaje maci ŭ ciažkim stanie
U rajcentry Buda-Kašalova Homielskaj vobłaści 21 krasavika pamierła 45-hadovaja felčarka chutkaj dapamohi Halina N. Pra heta «Svabodzie» paviedamili adrazu niekalki vartych davieru krynic. Viadoma, što ŭ jaje była pneŭmanija.
«Jaje ŭ ciažkim stanie pieravodzili ŭ Homiel, ale ŭratavać nie ŭdałosia. U Homli jana znachodziłasia na aparacie štučnaj ventylacyi lohkich. Zachvareła i jaje maci, jana ciapier u adnym z abłasnych špitalaŭ na aparacie štučnaj ventylacyi lohkich», — paviedamili «Svabodzie» kalehi niabožčycy.
«Jana skončyła Homielskuju medyčnuju vučelniu. Potym usio žyćcio addała pracy na chutkaj dapamozie ŭ Buda-Kašalovie. Jana lubiła svaju pracu», — skazała kaleha.
U Haliny zastalisia muž i dačka.
Adna z kalehaŭ felčarki, ź jakoj «Svabodzie» ŭdałosia pahavaryć, paviedamiła, što sama siońnia trapiła ŭ špital z pneŭmanijaj.
Ci paćvierdzili ŭ niabožčycy zaražeńnie karanavirusam, nieviadoma. Na momant vychadu publikacyi atrymać aficyjny kamentar nie ŭdałosia.
Składanaja sytuacyja z raspaŭsiudam karanavirusu ŭ Buda-Kašalovie skłałasia z pačatku krasavika. Tady ŭ rajonny špital trapili 39 žycharoŭ pasiołku Kamunar, u asnoŭnym školniki i nastaŭniki. Testy akazalisia admoŭnyja, dziaciej adpravili dachaty. Pačałosia ŭsio z taho, što karanavirus paćvierdzili ŭ adnaho chłopčyka. Jon, imavierna, zaraziŭsia ad trenera homielskaj SDIUŠAR-4.
Paźniej na karanavirus zachvareli medyki, jakija pracujuć na «chutkaj», a taksama ŭ reanimacyi i terapii.
Nie abminuŭ karanavirus i pacyjentaŭ terapeŭtyčnaha adździaleńnia.
U numary rajonnaj hazety «Avanhard» za 18 krasavika hałoŭnaja lekarka rajonnaha špitala pryznała, što «jość vypadki zaražeńnia COVID-19 siarod medrabotnikaŭ».
«Heta siaredni i małodšy medycynski persanał. U bolšaści chvaroba praciakaje biez symptomaŭ. Vypadkaŭ zaražeńnia siarod lekaraŭ niama. Testy na karanavirusnuju infekcyju ŭ ich admoŭnyja».
Pa źviestkach Ministerstva achovy zdaroŭja na 20 krasavika, u Homielskaj vobłaści zafiksavali 322 vypadki zaražeńnia karanavirusam. Apošnija dva dni statystyku pa abłaściach nie ahučvali.