U Litvie adčyniajucca kramy ŭ HC Akropolis
Delfi
U najbujniejšych handlovych centrach Litvy Akropolis — u Vilni, Kłajpiedzie i Šaŭlach — adčyniajucca kramy. Paśla taho jak urad źmiakčyŭ umovy karancinu, kramy adkryvajucca z 23 krasavika. Usie kramy adčyniacca nie paźniej jak 25 krasavika. Asablivaja ŭvaha ŭ HC budzie nadadziena ažyćciaŭleńniu praviłaŭ i kiravańniu patokami pakupnikoŭ, piša Delfi.lt.
«HC Akropolis hatovyja da adkryćcia kram, my zasumavali pa pakupnikach. Va ŭsich HC jość usio nieabchodnaje dla biaśpieki rabotnikaŭ i naviedvalnikaŭ, ahulnyja prastory i pavierchni pieryjadyčna dezynfikujuć, pracujuć vientylacyjnyja sistemy. Zhodna ź dziejučymi praviłami, u HC Akropolis buduć puskać naviedvalnikaŭ tolki ŭ maskach. My prymiem miery dla razhrupavańnia naviedvalnikaŭ, kab jany nie toŭpilisia ŭ adnym miescy. U vypadku nieabchodnaści — my hatovyja abmiežavać patok naviedvalnikaŭ», — skazaŭ pradstaŭnik Akropolis Group Daminikas Miercinas.
U Litvie za ŭvieś čas zafiksavali 1398 vypadkaŭ karanavirusa, 38 čałaviek pamierli, za 22 krasavika zafiksavali 28 vypadkaŭ zaražeńnia.