Łukašenka i Naŭsieda abmierkavali ekanomiku, pastaŭki enierharesursaŭ i pierśpiektyvy «Uschodniaha partniorstva»
Pa inicyjatyvie litoŭskaha boku 23 krasavika adbyłasia telefonnaja razmova Alaksandra Łukašenki z prezidentam Litvy Hitanasam Naŭsiedaj, paviedamlaje BIEŁTA.
Kiraŭniki dziaržaŭ abmierkavali šyroki śpiektr pytańniaŭ dvuchbakovaha supracoŭnictva. Asablivuju ŭvahu prezidenty nadali raźvićciu ekanamičnych adnosin.
U pryvatnaści, litoŭskim bokam było zakranuta pytańnie pavieličeńnia pastavak tavaraŭ i hruzaŭ z vykarystańniem infrastruktury Kłajpiedskaha porta.
Taksama prezidenty padrabiazna abmierkavali temu dyviersifikacyi pastavak enierharesursaŭ — nafty i hazu. Baki damovilisia daručyć ministram enierhietyki dźviuch krain prapracavać pytańni enierhietyčnaj biaśpieki.
Akramia taho, kiraŭniki dziaržaŭ abmierkavali ŭzajemadziejańnie dźviuch krain u śfiery jadziernaj biaśpieki.
Alaksandr Łukašenka i Hitanas Naŭsieda taksama abmierkavali ŭzajemadziejańnie pa supraćdziejańni raspaŭsiudu infiekcyi.
Zakranałasia padčas razmovy i pytańnie pierśpiektyŭ inicyjatyvy «Uschodniaje partniorstva».