Na pažary ŭ Hrodzienskim rajonie zahinuli dva čałavieki
A pałovie na siomuju viečara 23 krasavika vidavočca paviedamiŭ pra pažar u trochpaviarchovym žyłym domie ŭ ahraharadku Padłabieńnie. Padraździaleńni MNS nieadkładna adpravilisia na miesca: z voknaŭ adnoj z kvater išoŭ husty dym, paviedamili BiełTA ŭ MNS.
Pry raźviedcy i likvidacyi ŭzharańnia ŭ kalidory na padłozie kvatery znojdzieny zahinuły 52-hadovy haspadar, a ŭ žyłym pakoi — jaho znajomy. Z susiednich kvater vyratavany try čałavieki, u tym liku dzieviacihadovaja dziaŭčynka. Akramia taho, pa leśvicy evakujavany darosły žychar doma i adnahadovaja dziaŭčynka.
Ahniom paškodžana majomaść u zharełym pakoi, zakurany ścieny, stol u kvatery i na leśvičnaj kletcy. Asnoŭnaja razhladanaja viersija pryčyny ŭzharańnia — nieaściarožnaje abychodžańnie z ahniom pry kureńni. Hrodzienski mižrajonny adździeł SK pravodzić pravierku pa hetym fakcie.