Na ŭjeździe ŭ Baranavičy na vychodnych buduć pracavać pasty milicyi i miedykaŭ: chvorych u horad nie puściać
Z 25 pa 28 krasavika na ŭjezdach u Baranavičy buduć dziažuryć ekipažy DAI sumiesna ź miedycynskimi rabotnikami dla pravierki stanu zdaroŭja pasažyraŭ z metaj niedapuščeńnia ŭjezdu zachvarełych na VRI i praduchileńnia pieramiaščeńnia kantaktaŭ 1-ha i 2-ha uzroŭniaŭ, jakija pavinny znachodzicca na samaizalacyi, paviedamlaje harvykankam u svaim telehram-kanale.
Na vakzałach horada buduć pravodzicca ŭzmocnienyja prafiłaktyčnyja i dezynfiekcyjnyja mierapryjemstvy z metaj praduchileńnia raspaŭsiudžvańnia karanavirusnaj infiekcyi praz kantaktavańnie ź ludźmi ź inšych rehijonaŭ. Dadatkova na čyhunačnych vakzałach budzie ažyćciaŭlacca vybaračnaja termamietryja pasažyraŭ.
Harvykankam nahadvaje, što Ministerstva achovy zdaroŭja zaklikaje zastacca doma na vialikija vychodnyja.
Nieabchodna ŭstrymacca ad naviedvańnia miescaŭ pachavańniaŭ i inšych mahčymych miescaŭ z masavym znachodžańniem ludziej, adkłaści pajezdku da svajakoŭ, jakija pražyvajuć u inšych rehijonach. Pa mahčymaści, nie karystacca hramadskim transpartam, abaviazkova vykonvać rekamiendavanyja miery prafiłaktyki.