U Homieli zatrymali mužčynu, jaki vyrašyŭ zarabić na łabaratoryi pa vytvorčaści anabolikaŭ
Supracoŭniki padraździaleńniaŭ narkakantrolu MUS Biełarusi i UUS Homielskaha abłvykankama 22 krasavika zatrymali 39-hadovaha hamielčuka, jaki arhanizavaŭ łabaratoryju dla niezakonnaha vyrabu steroidaŭ — mocnadziejnych rečyvaŭ, jakija vykarystoŭvajucca, u asnoŭnym, pry vialikich fizičnych nahruzkach. Pra heta paviedamiła ŭ svaim telehram-kanale pres-sakratar MUS Volha Čamadanava.
Pa miescy žycharstva i ŭ arandavanych pamiaškańniach ź niezakonnaha abarotu kanfiskavana łabaratornaje abstalavańnie, upakoŭki z tabletkami i ampułami, jakija adnosiacca da mocnadziejnych rečyvaŭ. Papiarednie viadoma, što zatrymany ažyćciaŭlaŭ ich pastaŭku spažyŭcam poštaj jak unutry krainy, tak i na terytoryju Rasii.
U ciapierašni čas apieratyŭniki narkakantrolu ŭstanaŭlivajuć spažyŭcoŭ mocnadziejnych rečyvaŭ i kanały zbytu. Śledčymi ŭzbudžanaja kryminalnaja sprava.