Premjer-ministr Rasii zaraziŭsia karanavirusam
Premjer-ministr Rasii Michaił Mišuścin zaraziŭsia karanavirusam, paviedamlajuć rasijskija ŚMI.
Pra heta sam Mišuścin paviedamiŭ Uładzimiru Pucinu. Premjer Rasii dadaŭ, što budzie vykonvać samaizalacyju ŭ suviazi z zachvorvańniem. Urad budzie aktyŭna pracavać, sam Mišuścin taksama budzie na suviazi.
Vykonvać abaviazki premjer-ministra na čas chvaroby Mišuścina budzie pieršy vice-premjer krainy Andrej Biełavusaŭ. Jaho kandydaturu prapanavaŭ sam Mišuścin, adznačyŭšy, što ŭ jaho adsutnaść urad budzie praciahvać pracu ŭ štatnym režymie.
Nakolki ciažka praciakaje chvaroba, Mišuścin nie ŭdakładniŭ.