Były namieśnik kiraŭnika Minska vyjšaŭ na novuju pracu. I heta nie dziaržsłužba
Były namieśnik staršyni Minharvykankama pa ekanomicy Alaksandr Krapak niadaŭna vyjšaŭ na novuju pracu — jon staŭ dyrektaram HUMa, raspaviała TUT.BY krynica ŭ viertykali. Dniami infarmacyja pra heta taksama źjaviłasia na sajcie ŭniviermaha.
Alaksandr Krapak. Uznačalvaŭ Maskoŭski i Pieršamajski rajony stalicy, a taksama byŭ staršynioj kamiteta ekanomiki i namieśnikam staršyni Minharvykankama. Fota: «Minsk-Naviny»
Alaksandr Krapak zajmaŭ pasadu namieśnika staršyni Minharvykankama z sakavika 2017 hoda i pakinuŭ jaje ŭ sakaviku 2020-ha ŭ suviazi sa skančeńniem kantraktu. Na hetuju pasadu pryznačyli Juryja Truščanku. Dalej u Krapaka siarod inšaha byli varyjanty pracy albo ŭ adnoj ź dziaržaŭnych haściničnych sietak, albo ŭ HUMie. I jon byŭ nie suprać ni pieršaha, ni druhoha, udakładniaje surazmoŭca ŭ viertykali.
U vyniku Krapak zaniaŭ pasadu dyrektara HUMa, źmianiŭšy na hetaj pasadzie Śviatłanu Prystupu.
Na pasadzie namieśnika staršyni Minharvykankama Krapak taksama ŭ liku inšaha raźvivaŭ znosiny ŭłady i biznesu — stvaryŭ hramadskuju pryjomnuju dla pradprymalnikaŭ.
Z sychodam Krapaka z pasady namieśnika staršyni ŭ Minharvykankamie zastaŭsia tolki adzin namieśnik, jaki pracuje pry Anatoli Sivaku z časoŭ kiraŭnictva Andreja Šorca. Havorka idzie pra pieršaha namieśnika harvykankama Fiodara Rymašeŭskaha.
Były namieśnik staršyni harvykankama Ihar Jurkievič ciapier kiruje šostaj balnicaj, a Viktar Łapcieŭ pracuje ŭ «Minskvodakanale».