U Minsku źnik pomnik Karyču FOTAFAKT
Na vulicy Stefanii Staniuty ŭ Minsku bolš niama pomnika sierbu Sretanu Karyču.
Pra heta «Našaj Nivie» paviedamili žurnalisty «Biełsata», jakija zdymali ŭ Minsku prahramu-rasśledavańnie «Davajcie raźbiracca».
Sretan Karyč — heta sierbski biznesmien, adzin z zasnavalnikaŭ biznes-impieryi BK Group, u skład jakoj uvachodzić kampanija Dana Holdings, što zabudoŭvaje Minsk šmatpaviarchovikami.
Pra toje, što ŭ achoŭnaj zonie na bierazie Cnianskaha vadaschovišča źjaviŭsia pomnik Karyču, stała viadoma ŭ lutym. Minčuki navat sabrali paŭtary tysiačy podpisaŭ pad pietycyjaj da ŭładaŭ z prośbaj patłumačyć, chto ŭzhadniaŭ hety manumient.