U Navapołacku, dzie na karanavirus zachvareli 13 miedykaŭ, pamianiaŭsia hałoŭurač haradskoj balnicy
U Navapołackaj centralnaj haradskoj balnicy — novy hałoŭny ŭrač. Zamiest Siarhieja Niakrasava, jaki kiravaŭ miedustanovaj 9 hadoŭ, hetuju pasadu zaniała jahonaja namieśnica Iryna Šamiankova. Pra heta piša tut.by sa spasyłkaj na infarmacyju novaya.by.
Iryna Šamiankova atrymała novaje pryznačeńnie 5 maja — pa rasparadžeńni haradskoj ułady. Čamu źmianiłasia kiraŭnictva balnicy, haradskaja hazieta nie paviedamlaje.
Nahadajem, u Navapołacku na karanavirus zachvareli 13 miedykaŭ.
Novamu hałoŭnamu ŭraču — 50 hadoŭ. Karjeru Iryna Šamiankova pačała ŭ Połackaj haradskoj balnicy, dzie pracavała terapieŭtam, radyjołaham. Zatym zahadvała tut terapieŭtyčnym adździaleńniem, była namieśnikam zahadčyka pa miedčastcy. U kastryčniku 2018-ha pierajšła ŭ Navapołackuju centralnuju harbalnicu — na pasadu namieśnika hałoŭnaha ŭrača pa ambułatorna-palikliničnaj pracy.
Balnicaj ŭ Navapołacku raniej kiravaŭ 62-hadovy Siarhiej Niakrasaŭ. Jon pryjšoŭ na hetuju pasadu ŭ 2011 hodzie.
Adstaŭka Niakrasava — užo treciaja pa liku ŭ asiarodździ vysokaha kiraŭnictva ŭ miedycynskich kołach na Viciebščynie.
30 krasavika źniali z pasady hałoŭnaha ŭrača Viciebskaj haradskoj kliničnaj balnicy chutkaj miedycynskaj dapamohi Siarhieja Łazara.
Pamianiaŭsia i načalnik abłzdaroŭja. Raniej im kiravaŭ Juryj Dziarkač — sienatar, doktar miedycynskich navuk, prafiesar. Ad 7 krasavika hetuju pasadu zajmaje Michaił Višniaviecki, były namieśnik načalnika ŭpraŭleńnia achovy zdaroŭja Minskaha abłvykankama.