Vyviedka abvierhła čutki, što Kim Čen Yn pieranios apieracyju na sercy
Vyviedka Respubliki Kareja adchilaje mahčymaść taho, što lidar KNDR Kim Čen Yn moh pieranieści chirurhičnuju apieracyju na sercy. Pavodle ahienctva Yonhap, pra heta zajaviŭ u sieradu ŭ Sieule pradstaŭnik Nacyjanalnaj raźviedvalnaj słužby (NRS).
«Paviedamleńni ab prablemach Kim Čen Yna sa zdaroŭjem źjaŭlajucca absurdnymi. Niama nijakich prykmiet taho, što jon pieranios apieracyju», — cytuje jaho ahienctva.
Pradstaŭnik NRS taksama paviedamiŭ, što z pačatku biahučaha hoda kolkaść publičnych źjaŭleńniaŭ lidara KNDR była minimalnaj za ŭsiu historyju nazirańniaŭ, što, vierahodna, źviazana z pandemijaj. Pry hetym urad Paŭnočnaj Karei pracuje ŭ zvyčajnym režymie.
Kim Čen Yn 11 krasavika pravioŭ pasiadžeńnie Palitbiuro CK Pracoŭnaj partyi Karei pa pytańniach unutranaj palityki, paśla čaho až da 1 maja ŭ ŚMI KNDR nie było paviedamleńniaŭ ab jaho źjaŭleńni na aficyjnych mierapryjemstvach. Heta sparadziła źjaŭleńnie ŭ zachodnich i paŭdniovakarejskich ŚMI śćviardžeńniaŭ pra prablemy sa zdaroŭjem u Kim Čen Yna i nibyta pieraniesienuju im apieracyju.