Prezident Litvy prapanoŭvaje pramyja vypłaty małym pradpryjemstvam, na jakich pracuje da 9 čałaviek
Prezident Litvy Hitanas Naŭsieda prapanuje, kab dziaržava zapłanavała pramyja vypłaty małym pradpryjemstvam, na jakich zaniata da dzieviaci čałaviek, kab dapamahčy im pieražyć źviazany z karanavirusam kryzis, paviedamlaje Delfi.
Daradca prezidenta Vajda Česnulavičucie skazała BNS, što ofis prezidenta ŭnios takuju prapanovu va ŭrad na minułym tydni. Pytańnie ab dadatkovaj padtrymcy biznesu Kabmin razhledzić paźniej u sieradu. Suma takich vypłat mahła b zaležać ad vypłačanych pradpryjemstvami padatkaŭ. «My prapanujem ustalavać pamier vypłaty praparcyjanalnaj sumie vypłačanych pradpryjemstvam na praciahu 2019 hoda padachodnaha padatku, uznosaŭ u Sodra (Fond sacyjalnaha strachavańnia), uznosaŭ pa abaviazkovym strachavańni zdaroŭja», -= skazała ŭ sieradu BNS daradca prezidenta.
Kožnamu pradpryjemstvu vypłačvałasia b 25% vypłačanych im u minułym hodzie padatkaŭ, niezaležna ad kolkaści rabotnikaŭ. Takim čynam, dapamoha była b bolšaj pradpryjemstvam, u jakich bolš rabotnikaŭ, jakija płaciać bolš vysoki zarobak», — dadała V. Česnulavičucie.
Pradpryjemstvy z kolkaściu rabotnikaŭ mienš za 9 składajuć tracinu ŭsich dziejučych u Litvie pradpryjemstvaŭ — 33 tys. sa 100 tys. Na ich zaniataja prykładna adna dziasiataja rabotnikaŭ pryvatnaha siektara (104 tys.), paviedamlaje prezidenckaje viedamstva.