Pamior protaijerej Iaan Charaševič — heta jamu dazvolili adkryć pieršy pravasłaŭny chram Minska ŭ časy pierabudovy
Ranicaj 6 maja pamior nastaciel minskaha chrama Maryi Mahdaleny Iaan Charaševič. Jamu było 87 hadoŭ.
Hetuju infarmacyju «Našaj Nivie» paćvierdziŭ jahony ziać, nastajaciel chrama-pomnika Usich Śviatych Fiodar Poŭny.
Iaan Charaševič. Fota sb.by.
Charaševič byŭ adnym z najstarejšych i najbolš pavažanych śviataroŭ Minska. Sioleta jon atrymaŭ z ruk Alaksandra Łukašenki premiju za duchoŭnaje adradžeńnie. Amal tryccać hadoŭ jon byŭ nastajacielem chrama Maryi Mahdaleny. Heta była pieršaja carkva ŭ Minsku, jakoj dazvolili słužby ŭ časy SSSR paśla doŭhaha pieryjadu zabarony na adkryćcio chramaŭ.
Charaševič byŭ adnym z najbližejšych paplečnikaŭ mitrapalita Fiłareta (Vachramiejeva). Razam jany słužyli ŭ Hiermanii i Minsku.
Kažuć, što pryčynaj śmierci Charaševiča moh stać karanavirus. «Nie viedaju, ja pakul nie bačyŭ zaklučeńnie ab śmierci», — skazaŭ «NN» Fiodar Poŭny.