U Čechii vośmy dzień fiksujuć mienš za 100 vypadkaŭ zaražeńnia karanavirusam
Češskija miedyki rehistrujuć mienš za 100 novych vypadkaŭ zaražeńnia karanavirusam u respublicy vośmy dzień zapar. Pra heta paviedamiła ŭ subotu češskaje Ministerstva achovy zdaroŭja.
Pavodle jaho danych, u Čechii (u krainie žyvie 10,5 młn čałaviek) u piatnicu było vyjaŭlena 46 inficyravanych. Z pačatku sakavika ŭ respublicy zafiksavana 8078 vypadkaŭ zaražeńnia, 273 čałavieki pamierli, 4414 vyzdaravieli.
Z 1 sakavika, kali Ministerstva achovy zdaroŭja abjaviła pra źjaŭleńnie infiekcyi na nacyjanalnaj terytoryi, analizy na karanavirus zdali 298 649 žycharoŭ Čechii. Z 12 sakavika ŭ respublicy dziejničaje režym nadzvyčajnaj situacyi, jaki ŭłady płanujuć admianić 17 maja, kali epidemijałahičnaja situacyja nie pahoršycca.