Łukašenka: Mietadam Biełarusi pa reahavańni na karanavirus užo skarystalisia i inšyja dziaržavy
Pra heta Łukašenka źviarnuŭ uvahu siońnia na naradzie ŭ Minsku, pieradaje BIEŁTA.
«Situacyja ŭ Biełarusi siońnia ź virusami i inšymi zachvorvańniami, jakich u nas chapała i chapaje, ciarpimaja. My nie kažam, što ŭ nas usio dobra, što my ŭžo boha za baradu ŭziali.
Nie. Ale toj mietad, jakim my karystajemsia ŭžo treci miesiac, prynosić svoj plon. I hetym mietadam, hetym šlacham skarystalisia i inšyja dziaržavy. Pahladzicie na zachodnija krainy: pavoli adkrylisia, pačała pracavać ekanomika, a heta miljony ludziej. I ŭ toj čas jak śmiarotnaść u ich za sutki pieravyšaje ŭsich pamierłych (ad chvarob, abciažaranych karanavirusam) u Biełarusi za hetyja try miesiacy», — zajaviŭ biełaruski lidar.