Minzdaroŭja: Padstavaj dla EKA ciapier moža stać i adsutnaść pałavoha partniora
Ministerstva achovy zdaroŭja pryniała pastanovu «Ab pytańniach prymianieńnia dapamožnych repraduktyŭnych technałohij». Ciapier zdarovyja, ale samotnyja žančyny mohuć pretendavać na EKA. Heta vynikaje z dakumienta, apublikavanaha na sajcie pravo.by.
U pastanovie pieraličany pakazańni i supraćpakazańni da ekstrakarparalnaha apładnieńnia. Kali raniej dla taho, kab stać ciažarnaj z dapamohaj EKA, žančyna pavinna była mieć dyjahnaz «biaspłodździe», to ciapier adsutnaść pałavoha partniora ŭžo źjaŭlajecca pakazańniem da pracedury.