Siońnia adkryvajecca Vierbny kirmaš
Prachodzić jon budzie ŭ Minsku, u Pałacy mastactvaŭ.
Siońnia, 3 krasavika, pa błasłavienni Mitrapalita Minskaha i Słuckaha, Patryjaršaha Ekzarcha ŭsiaje Biełarusi adkryvajecca 7‑ia duchoŭna‑aśvietnickaja vystava‑prodaž «Vierbny kirmaš». Kulturna‑aśvietnickaja prahrama vystavy nazyvajecca «Moj rodny kut».
Hałoŭnyja jaje temy: śviatyja Ziamli Biełaruskaj, chryscijanskija tradycyi Baćkaŭščyny, historyja i sučasnaść Biełaruskaj pravasłaŭnaj carkvy.
Padčas raboty vystavy buduć adbyvacca sustrečy‑hutarki i lektoryi dla moładzi i školnikaŭ, majstar‑kłasy (u tym liku pa tradycyjnych biełaruskich ramiostvach: kieramicy, placieńnia z łazy), sustrečy z uračami‑hamieapatami i fitaterapieŭtami, litaraturna‑paetyčnyja kampazicyi z udziełam viadomych biełaruskich akcioraŭ (Maryja Zacharevič, Viktar Manajeŭ, Jaŭhien Pimienaŭ i inš.), prezientacyi novych knih i filmaŭ, sieminary, sustrečy sa śviaščennasłužycielami… Štodnia na vystavie budzie pracavać dziciačaja haścioŭnia «Viasiołka». Jak zaŭsiody, tut možna nabyć tradycyjnyja vielikodnyja suvieniry, koraby i košyki dla aśviačeńnia ŭ carkvie kuličoŭ, vierbnyja kampazicyi, abrazy, litaraturu, śviatočnuju vopratku, chustki i šaliki, vyraby narodnych majstroŭ i mastakoŭ.
Ekspazicyja raźmiescicca pa adrasie: Minsk, vulica Kazłova, 3 (Pałac mastactvaŭ).
Jana budzie pracavać štodnia da 11 krasavika z 10 da 20 hadzin (u apošni dzień — da 18 hadzin).
Bolš padrabiaznuju infarmacyju pra kulturna‑aśvietnickuju prahramu kirmašu možna daviedacca pa telefonie (017) 273 72 98 abo na sajcie pravoslav‑expo.by