U Vatykanie adkryŭsia dla viernikaŭ sabor Śviatoha Piatra
Hałoŭny chram katalickaha śvietu — sabor Śviatoha Piatra ŭ Vatykanie — adkryŭsia dla viernikaŭ i pałomnikaŭ. Pra heta paviedamiła ŭ paniadziełak ahienctva ANSA.
pixabay.com
Sabor byŭ začynieny dla naviedvańniaŭ z 10 sakavika z-za pandemii karanavirusa. Padčas pieryjadu karancinu tam prajšli tolki niekalki vielikodnych słužbaŭ na čale z Papam Rymskim Franciškam i ŭdziełam usiaho niekalkich čałaviek. Štodnia tam maliłasia nievialikaja hrupa manachiń z Vatykana.
U paniadziełak ranicaj Francišak uźnios malitvu ŭ adnoj z častak la mahiły Papy Rymskaha Jana Paŭła II, kananizavanaha ŭ 2014 hodzie, z nahody 100-hodździa z dnia jaho naradžeńnia.
Dopusk u sabor budzie rehulavacca supracoŭnikami vatykanskaj žandarmieryi i dobraachvotnikami Maltyjskaha ordena. Usim naviedvalnikam pradpisana vykarystańnie srodkaŭ indyvidualnaj abarony.