Sinoptyki raskazali pra nadvorje na tydzień. Heta prosta lohki žach
Fota Nadziei Bužan
U aŭtorak ranicaj i dniom na bolšaj častcy terytoryi krainy projduć daždžy, u asobnych rajonach mahčymy navalnicy. Viecier zachodni, paŭdniova-zachodni, umierany. Tempieratura pavietra minimalnaja nočču ad + 1°S pa paŭnočnym uschodzie da +10°S pa paŭdniovym zachadzie krainy, miescami zamarazki 0…-2°S, maksimalnaja dniom +11…+17°S, piša Tut.by.
U sieradu, 20 maja, stanie chaładniej. Nočču +1…+8°S, maksimalnaja dniom +8…+14°S, pa paŭdniovym zachadzie da +16°S.
U čaćvier dniom na bolšaj častcy terytoryi karotkačasovyja daždžy. Nočču +1…+5°S, miescami zamarazki 0…-3°S; maksimalnaja tempieratura dniom +7…+14°S.
22 maja ŭ piatnicu ŭ načnyja hadziny pa paŭnočnym uschodzie mahčymy mokry śnieh. Nočču +1…+6°S, u asobnych rajonach zamarazki 0…-3°S; dniom +8…+15°S, pa zachadzie da +17°S.
U subotu ŭ asobnych rajonach zamarazki 0…-3°S; maksimalnaja tempieratura dniom +12…+18°S.
24 maja, u niadzielu, +3…+9°S, maksimalnaja dniom +13…+18, pa zachadzie Biełarusi na paru hradusaŭ ciaplej.
Źmianieńnie ŭ charaktary atmaśfiernych pracesaŭ, a značyć, niekatoraje paciapleńnie čakajecca tolki ŭ apošniaj piacidzioncy maja.