Repietycyjnaje testavańnie projdzie na sajcie RIKV anłajn z 19 maja
Na sajcie RIKV z 19 maja projdzie repietycyjnaje testavańnie anłajn. Mnohija punkty praviadzieńnia repietycyjnaha testavańnia admianili raniej zapłanavanyja na maj sieansy ŭ suviazi z epidemijałahičnaj abstanoŭkaj, paviedamlaje Minadukacyi.
Na sajcie Respublikanskaha instytuta kantrolu viedaŭ pradastaŭlena mahčymaść pryniać udzieł u trecim etapie repietycyjnaha testavańnia ŭ elektronnym farmacie ŭ anłajn-režymie. RIKV źviartaje ŭvahu abituryjentaŭ na toje, što papiaredniaj rehistracyi dla prachodžańnia testavańnia ŭ režymie anłajn nie patrabujecca.
Repietycyjnaje testavańnie arhanizujecca pa 15 vučebnych pradmietach za kurs ahulnaj siaredniaj adukacyi: ruskaja mova, biełaruskaja mova, fizika, matematyka, chimija, bijałohija, zamiežnaja mova (anhlijskaja, niamieckaja, ispanskaja, francuzskaja, kitajskaja), historyja Biełarusi, hramadaznaŭstva, hieahrafija, suśvietnaja historyja (najnoŭšy čas).
Dla ŭdziełu abituryjentam nieabchodna, jak i raniej, zarehistravacca ŭ svaim asabistym kabiniecie na sajcie RIKV, pryčym pry rehistracyi možna budzie skarystacca adnoj abo niekalkimi svabodnymi apłatami, jakija byli viernutyja pry admienie raniej zapłanavanych sieansaŭ repietycyjnaha testavańnia, abo zrabić apłatu z dapamohaj sistemy «Raźlik» (ARIP).