Babaryka: Paśla sychodu z pasady kiraŭnika Biełhazprambanka ŭ mianie nie było kantaktaŭ z Rasijaj
Eks-staršynia praŭleńnia Biełhazprambanka Viktar Babaryka daje siońnia pieršuju pres-kanfierencyju.
«Ja pazvaniŭ u [Hazpram], i ŭ ich byŭ šok, što ja sychodžu z pasady kiraŭnika Biełhazprambanka. Paśla hetaha kantaktaŭ z Rasijaj nie było. Kantakt byŭ absalutna nulavy».
Pra heta Viktar Babaryka adkazaŭ na pytańnie pra ŭdzieł pradstaŭnikoŭ rasijskaha biznesu ŭ jaho kampanii.
***
Siońnia CVK zarehistravała jaho inicyjatyŭnuju hrupu, u joj 8095 čałaviek. Ad čaćviarha startuje zbor podpisaŭ. Da 19 červienia treba sabrać 100 tysiač podpisaŭ.
Babaryka padziakavaŭ usim, chto adhuknuŭsia na prapanovu być u jaho inicyjatyŭnaj hrupie, a taksama CVK, jakaja zarehistravała hrupu. «Za tydzień jany pierapracavali vialiki abjom infarmacyi».