U Babrujsku miedyki chutkaj sarvali zdymki siužeta BT ab nadbaŭkach i arhanizavali stychijny mitynh VIDEA
Daktary chutkaj dapamohi z Babrujska, jakija źviarnulisia da Łukašenki nakont dapłat, siońnia aburylisia zdymkami siužeta dla BT. Intervju telekanału davali niekalki čałaviek, jakija atrymali nadbaŭki, a mierkavańnie astatnich nie spytali. Dziasiatki miedykaŭ vyjšli da zdymačnaj hrupy i načalstva. Atrymaŭsia stychijny mitynh, paviedamlaje Onliner.by.
Miedyki vyrašyli vyjści da žurnalistaŭ kanała i skazać svajo mierkavańnie. Dziaržaŭnyja žurnalisty adrazu apuścili kamiery i pierastali zdymać.
Nahadajem, 200 miedykaŭ troch padstancyj babrujskaj chutkaj napisali skarhu ŭ Administracyju prezidenta na niapravilnaje, ź ich punktu hledžańnia, naličeńnie nadbavak va ŭmovach niebiaśpieki zaražeńnia karanavirusam.
Paśla zvarotu ŭ Administracyju prezidenta ŭ Babrujsk z pravierkaj pryjechała śpiecyjalnaja kamisija. Vyniki jaje pracy pakul što nie viadomyja. Akramia taho, na sustreču ź miedykami adpraviłasia zdymačnaja hrupa BT.